thaa e'timaad-e-husn se tu is qadar tahi — Arif Abdul Mateen

kabhi khayaal ke rishton ko bhi TaTol ke dekh
main tujh se duur sahi tujh se kuchh judaa bhi nahin

chaand mere ghar mein utraa thaa kahin Duubaa na thaa
ai mire suraj abhi aanaa tiraa achchhaa na thaa

vafaa nigaah ki taalib hai imtihaan ki nahin
vo meri ruuh mein jhaanke na aazmaae mujhe

hamin ne raaston ki khaak chhaani
hamin aae hain tere paas chal ke

zaat kaa aaina jab dekhaa to hairaani hui
main na thaa goyaa koi mujh saa thaa mere ru-ba-ru

titliyaan rangon kaa mahshar hain kabhi sochaa na thaa
un ko chhune par khulaa vo raaz jo khultaa na thaa!

bus mujhe be-vafaa keh dijiye mar jaaungi
aap par qatl ki tohmat bhi nahin aaegi

ye kis maqaam pe tanhaai saunpte ho mujhe
ki ab to tark-e-tamannaa kaa hausla bhi nahin

koi shikva koi gila de de
mujh ko jiine kaa hausla de de

ham numu paate rahe hain apni himmat se ‘sho’aib’
pattharon mein ugne vaale aur kitne sabz hon

yaa Dar mujhe teraa hai ki main kuchh nahin kahtaa
yaa hausla meraa hai ki main kuchh nahin kahtaa

ajab junun hai ye intiqaam kaa jazba
shikast khaa ke vo paani mein zahr Daal aayaa