'aarzu' be-asar mohabbat chhoD — Arzoo Lakhnavi

nazar bachaa ke jo aansu kiye the main ne paak
khabar na thi yahi dhabbe baneinge daaman ke

khizaan kaa bhes banaa kar bahaar ne maaraa
mujhe do-rangi-e-lail-o-nahaar ne maaraa

aap apne se barhami kaisi
main nahin koi aur hai ye bhi

phir chaahe to na aanaa o aan baan vaale
jhuTaa hi vaada kar le sachchi zabaan vaale

hasraton kaa dil se qabza uTh gayaa
ghaasibon ki hukmraani khatm hai

jazb-e-nigaah-e-shoabada-gar dekhte rahe
duniyaa unhin ki thi vo jidhar dekhe rahe

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ye paiham talkh-kaami si rahi kyaa
mohabbat zahr khaa kar aai thi kyaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

aae hai bekasi-e-ishq pe ronaa 'ghaalib'
kis ke ghar jaaegaa sailaab-e-balaa mere baad

bigDi hui is shahr ki haalat bhi bahut hai
jaaun bhi kahaan is se mohabbat bhi bahut hai