'aarzu' jaam lo jhijak kaisi — Arzoo Lakhnavi

nazar bachaa ke jo aansu kiye the main ne paak
khabar na thi yahi dhabbe baneinge daaman ke

khizaan kaa bhes banaa kar bahaar ne maaraa
mujhe do-rangi-e-lail-o-nahaar ne maaraa

aap apne se barhami kaisi
main nahin koi aur hai ye bhi

phir chaahe to na aanaa o aan baan vaale
jhuTaa hi vaada kar le sachchi zabaan vaale

hasraton kaa dil se qabza uTh gayaa
ghaasibon ki hukmraani khatm hai

jazb-e-nigaah-e-shoabada-gar dekhte rahe
duniyaa unhin ki thi vo jidhar dekhe rahe

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

aur maashuq se milne ki tamannaa kyuun ho
aap kyaa kam hain miri jaan ke dushman mujh ko

chuTkiyon mein tum uDaa doge havaa par ho savaar
tum se kyaa khaak kahe dil ki tamannaa koi

khvaahishon ki dhuul se chehre ubharte hi nahin
ham ne kar ke dekh liin khvaabon ki taabirein bahut

kuchh dekhne ki dil mein tamannaa nahin baaqi
kyaa apni bhi taaqat se sivaa dekh liyaa hai