shaam Dhalne se faqat shaam nahin Dhalti hai — Ashfaq Nasir

jaa tujhe tere havaale kar diyaa
kheinch le ye haath phailaayaa huaa

apni qismat mein sabhi kuchh thaa magar phuul na the
tum agar phuul na hote to hamaare hote

shaam hoti hai to lagtaa hai koi ruuTh gayaa
aur shab us ko manaane mein guzar jaati hai

hijr insaan ke khad-o-khaal badal detaa hai
kabhi fursat mein mujhe dekhne aanaa mire dost

vo shakhs jis ki khushi kaa baais thiin meri baatein
use ab un par malaal karne bhi aa gae hain

ham aaine mein tiraa aks dekhne ke liye
kai charaagh nadi mein bahaane lagte hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

arsa-e-zulmat-e-hayaat kaTe
ham-nafas muskuraa ki raat kaTe

agar hayaat hai dekheinge ek din didaar
ki maah-e-eid bhi aakhir hai in mahinon mein