us kaa ham se baat karnaa yaad karnaa pyaar karnaa — Asad Bijnori Alig

jis bulandi se tu bhi na aae nazar
aisi shohrat ki ai maan du'aaein na de

ham pe ye raaz khulaa bhi to bahut der ke baa'd
asl kirdaar kahaani mein kisi aur kaa hai

paDe hain phike ye chaand taare bhi is ke aage
kahaan se laai ho tum ye husn-o-jamaal laDki

bulandiyon par zaraa takabbur se duur rahnaa
vagarna ye hi banegaa vajh-e-zavaal laDki

milaa hai husn to is par ghurur itnaa nahin achchhaa
milaa detaa hai miTTi mein khudaa maghrur chehron ko

rahe hain chaand-raaton mein bhi tanhaa
hamein khuddaariyaan mahngi paDi hain

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

dil mein jo mohabbat ki raushni nahin hoti
itni khubsurat ye zindagi nahin hoti

ifshaa-e-raaz-e-ishq mein go zillatein huiin
lekin use jataa to diyaa jaan to gayaa

hijr ko hausla aur vasl ko fursat darkaar
ik mohabbat ke liye ek javaani kam hai

tamaam jism ko aankhein banaa ke raah tako
tamaam khel mohabbat mein intizaar kaa hai