mire ashkon pe hai shabnam kaa gumaan tum ko magar — Asar Bahraichi

varaq varaq hai pareshaan fazaa mein phulon kaa
sazaa mili hai zaraa der muskuraane ki

tiraa gham tiri mohabbat hai jabin-e-dil kaa markaz
miraa zauq-e-sajda-rezi abhi dar badar nahin hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

apni ghurbat ki kahaani ham sunaaein kis tarah
raat phir bachcha hamaaraa rote rote so gayaa

ye jo tum maut se Daraate ho
zindagi sab kaa masala nahin hai

nikal gulaab ki muTThi se aur khushbu ban
main bhaagtaa huun tire pichhe aur tu jugnu ban