ye jo tum maut se Daraate ho — Iftikhar Haidar

miir ke kuchh ashaar milaa kar raashid ki kuchh nazmon mein
vahshat ki aamezish kar ke ik uslub banaanaa hai

siiTi ki aavaaz suni aur saaraa maazi lauT aayaa
pas-manzar mein rail nahin hai puuraa ek afsaana hai

jitni fursat hai zindagi mein nasib
utni fursat mein main se tu ho jaa

tire baghair guzaaraa nahin kisi surat
use ye baat bataane se baat bigDi hai

shaam hote hi tere hijr kaa dukh
dil mein khema lagaa ke baiTh gayaa

bijli gai to vo bhi hamaare makaan ki
bijli giri to vo bhi hamaare makaan par

kam-umri mein sunet hain
mar jaate hain achchhe log

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

chaahaa thaa Thokaron mein guzar jaae zindagi
logon ne sang-e-raah samajh kar haTaa diyaa