varaq varaq hai pareshaan fazaa mein phulon kaa — Asar Bahraichi

mire ashkon pe hai shabnam kaa gumaan tum ko magar
aag lag jaae na daaman ko bachaae rakhnaa

tiraa gham tiri mohabbat hai jabin-e-dil kaa markaz
miraa zauq-e-sajda-rezi abhi dar badar nahin hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

siine se lipTo yaa galaa kaaTo
ham tumhaare hain dil tumhaaraa hai

chune the phuul muqaddar se ban gae kaanTe
bahaar haae hamaare liye bahaar nahin