husain aaj bhi qaaem hai apni surat par — Asim Nadeem Asi

hamaaraa jism to phir jism Thahraa
daraaDein aib hain divaar mein bhi

jal rahaa hai jo lab-e-baam abhi ek charaagh
bujh gayaa ye bhi to phir raat mukammal hogi

tapte sahraa khuun piyeinge chaDhtaa suraj Dhal jaaegaa
baiThi hui hai jis mein sakina aaj vo khema jal jaaegaa

zamin ke maalik-o-mukhtaar ki sunnat samajh kar
khaDaavein pahn liin aur bakriyaan rakkhi hui hain

hamaari kaarobaari zindagi kaa kul asaasa
ye kuchh sikke hain aur kuchh parchiyaan rakkhi hui hain

dost-daari ke saliqe se bahut vaaqif huun
ab mujhe haath milaane kaa hunar aataa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

dil se khelaa hai khilaunon ne bahut
ham khilaunon ke khilaune nikle

phir koi choT ubhri dil mein kasak si jaagi
yaadon ki aaj shaayad purvaai chal rahi hai

ik mashghala Thahri hai tumhein ranjish-e-bejaa
ik khel huaa tum ko sataanaa mire dil kaa