'atiq' bujhtaa bhi kaise charaagh-e-dil meraa — Ateeq Allahabadi

honTon par ik baar sajaa kar apne honT
us ke baad na baatein karnaa so jaanaa

navaaztaa thaa hamesha vo gham ki daulat se
aur is khazaane se main maalaa maal ho hi gayaa

ghar hamaaraa phunk kar kal ik paDosi ai 'atiq'
do ghaDi to hans liyaa phir baad mein royaa bahut

main ne puchhaa ye bataa mujh se bichhaDne kaa tujhe
kuchh qalaq hotaa hai kyaa us ne kahaa thoDaa bahut

dev pari ke qisse sun kar
bhuke bachche so lete hain

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

tumhaari yaad meraa dil ye donon chalte purze hain
jo in mein se koi miTtaa mujhe pahle miTaa jaataa