ai mujh ko fareb dene vaale — Athar Nafees

'athar' tum ne ishq kiyaa kuchh tum bhi kaho kyaa haal huaa
koi nayaa ehsaas milaa yaa sab jaisaa ahvaal huaa

baa-vafaa thaa to mujhe puchhne vaale bhi na the
be-vafaa huun to huaa naam bhi ghar ghar meraa

sochte aur jaagte saanson kaa ik dariyaa huun main
apne gum-gashta kinaaron ke liye bahtaa huun main

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

darvaaza khulaa hai ki koi lauT na jaae
aur us ke liye jo kabhi aayaa na gayaa ho

vo ishq jo ham se ruuTh gayaa ab us kaa haal bataaein kyaa
koi mehr nahin koi qahr nahin phir sachchaa sher sunaaein kyaa

chalo yuun hi sahi ham bevafaa hain
magar ye to bataaein aap kyaa hain

mauj-e-takhayyul gul kaa tabassum partav-e-shabnam bijli kaa saaya
dhokaa hai dhokaa naam-e-javaani is ko javaani koi na samjhe

miri ghazal mein kisi bevafaa kaa zikr na thaa
na jaane kaise tiraa tazkira nikal aayaa

subh-dam zulfein na yuun bikhraaiye
log dhokaa khaa rahe hain shaam kaa

detaa rahaa fareb-e-musalsal koi magar
imkaan-e-iltifaat se ham khelte rahe

bevafaa logon mein rahnaa tiri qismat hi sahi
in mein shaamil main tiraa naam na hone dungaa