detaa rahaa fareb-e-musalsal koi magar — Shaukat Pardesi

ye kaisi be-qaraari sunne vaalon ke dilon mein hai
varaq dohraa rahaa hai kyaa koi meri kahaani kaa

un ki nigaah-e-naaz ki gardish ke saath saath
mahsus ye huaa ki zamaana badal gayaa

us ki hansi tum kyaa samjho
vo jo pahron royaa hai

ai inqalaab-e-nau tiri raftaar dekh kar
khud ham bhi sochte hain ki ab tak kahaan rahe

sharik-e-dard nahin jab koi to ai 'shaukat'
khud apni zaat ki bechaargi ghanimat hai

hudud-e-jism se aage baDhe to ye dekhaa
ki tishnagi thi barahna tiri adaaon tak

shauq chaDhti dhuup jaataa vaqt ghaTti chhaanv hai
baa-vafaa jo aaj hain kal be-vafaa ho jaaeinge

haan vo nahin khudaa-parast jaao vo bevafaa sahi
jis ko ho diin o dil aziiz us ki gali mein jaae kyuun

bevafaa tum hue ki tark-e-mohabbat main ne
ishq-baazi miraa sheva thaa miri zaat na thi

ye dil-fareb charaaghaan ye qahqahon ke hujum
main Dar rahaa huun ab is shahar se guzarte hue

sath-e-dariyaa kaa ye saffaak sukun hai dhokaa
ye tiri naav kisi vaqt Dubo saktaa hai

mujhi ko parda-e-hasti mein de rahaa hai fareb
vo husn jis ko kiyaa jalva-aafrin main ne