saath jo de na sakaa raah-e-vafaa mein apnaa — Anwarul Hasan Anwar

vo iztiraab-e-musalsal kaa lutf kyaa jaane
musibaton se jo ghabraa gayaa zamaane mein

ye avadh hai ki jahaan shaam kabhi khatm nahin
vo banaras hai jahaan roz sahar hoti hai

be-khayaali mein bhi phir un kaa khayaal aataa hai
vahi tasvir mire pesh-e-nazar hoti hai

sukun-e-dil na mayassar huaa zamaane mein
na yaad rakhne mein tum ko na bhuul jaane mein

ab tire hijr mein yuun umr basar hoti hai
shaam hoti hai to ro ro ke sahar hoti hai

bhulne vaale tujhe yaad kiyaa hai barson
dil-e-viraan ko yuun aabaad kiyaa hai barson

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

kifaayat se tumhein ham sochte hain
raqam yaadon ki ab tak chal rahi hai

tiri yaad siine se rukhsat hui
ye buDhiyaa baDe din se bimaar thi

jalte shahron kaa dhuaan aankhon mein ghumaa aksar
yaad aai hai jo guzre hue ayyaam ki baat

khush-haal ghar sharif tabiat sabhi kaa dost
vo shakhs thaa ziyaada magar aadmi thaa kam