aaj nikle yaad ki zambil se — Azhar Adeeb

is liye main ne muhaafiz nahin rakkhe apne
mire dushman mire is jism se baahar kam hain

ai shahr-e-sitam chhoD ke jaate hue logo
ab raah mein koi bhi madina nahin aataa

usi ne sab se pahle haar maani
vahi sab se dilaavar lag rahaa thaa

der lagti hai bahut lauT ke aate aate
aur vo itne mein hamein bhuul chukaa hotaa hai

ham ne ghar ki salaamti ke liye
khud ko ghar se nikaal rakkhaa hai

hamaare naam ki takhti bhi un pe lag na saki
lahu mein gundh ke miTTi jo ghar banaae gae

mere khvaabon ke jharokon ko sajaate rahiye
na sahi vasl magar yaad to aate rahiye

ek tumhaari yaad ne laakh diye jalaae hain
aamad-e-shab ke qabl bhi khatm-e-sahar ke baad bhi

faraaghat se duniyaa mein har dam na baiTho
agar chaahte ho faraaghat ziyaada

raat bechain si sardi mein ThiThurti hai bahut
din bhi har roz sulagtaa hai tiri yaadon se

miri yaadon mein taDpoge ye vaa'da main nahin kartaa
magar mahsus to hogaa tumhein meraa na honaa bhi

meri taraf se khaatir-e-sayyaad jamaa hai
kyaa uD sakegaa taair-e-be-baal-o-par kahin