baaqi abhi qafas mein hai ahl-e-qafas ki yaad — Aziz Tamannai

vahin bahaar-ba-kaf qaafile lapak ke chale
jahaan jahaan tire naqsh-e-qadam ubharte rahe

ab kaun si mataa-e-safar dil ke paas hai
ik raushani-e-subh thi vo bhi udaas hai

ye gham nahin ki mujh ko jaagnaa paDaa hai umr bhar
ye ranj hai ki mere saare khvaab koi le gayaa

un ko hai daavaa-e-asihaai
jo nahin jaante shifaa kyaa hai

mil hi jaaegi kabhi manzil-e-maqsud-e-sahar
shart ye hai ki safar karte raho shaam ke saath

jis ko chalnaa hai chale rakht-e-safar baandhe hue
ham jahaan-gasht hain uTThe hain kamar baandhe hue

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

yuun jaagne lage tiri yaadon ke silsile
suraj gali gali se nikaltaa dikhaai de

yaad mein khvaab mein tasavvur mein
aa ki aane ke hain hazaar tariq

vo kisi ko yaad kar ke muskuraayaa thaa udhar
aur main naadaan ye samjhaa ki vo meraa huaa

aaj phir niind ko aankhon se bichhaDte dekhaa
aaj phir yaad koi choT puraani aai