aaj phir niind ko aankhon se bichhaDte dekhaa — Iqbal Ashhar

vo kisi ko yaad kar ke muskuraayaa thaa udhar
aur main naadaan ye samjhaa ki vo meraa huaa

muddaton baa'd mayassar huaa maan kaa aanchal
muddaton baa'd hamein niind suhaani aai

na jaane kitne charaaghon ko mil gai shohrat
ik aaftaab ke be-vaqt Duub jaane se

'azim log the TuuTe to ik vaqaar ke saath
kisi se kuchh na kahaa bas udaas rahne lage

le gaiin duur bahut duur havaaein jis ko
vahi baadal thaa miri pyaas bujhaane vaalaa

suno samundar ki shokh lahro havaaein Thahri hain tum bhi Thahro
vo duur saahil pe ek bachcha abhi gharaunde banaa rahaa hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ruuh ke is viraane mein teri yaad hi sab kuchh thi
aaj to vo bhi yuun guzri jaise gharibon kaa tyauhaar

zindagi naam hai judaai kaa
aap aae to mujh ko yaad aayaa

kuchh yaad kar ke aankh se aansu nikal paDe
muddat ke baad guzre jo us ki gali se ham

gham ki dhuup utarte hi kyuun pighalne lagti hai
yaad ke gharaunde mein mom ki bani khiDki