vahin bahaar-ba-kaf qaafile lapak ke chale — Aziz Tamannai

jis ko chalnaa hai chale rakht-e-safar baandhe hue
ham jahaan-gasht hain uTThe hain kamar baandhe hue

ab kaun si mataa-e-safar dil ke paas hai
ik raushani-e-subh thi vo bhi udaas hai

ye gham nahin ki mujh ko jaagnaa paDaa hai umr bhar
ye ranj hai ki mere saare khvaab koi le gayaa

un ko hai daavaa-e-asihaai
jo nahin jaante shifaa kyaa hai

mil hi jaaegi kabhi manzil-e-maqsud-e-sahar
shart ye hai ki safar karte raho shaam ke saath

baaqi abhi qafas mein hai ahl-e-qafas ki yaad
bikhre paDe hain baal kahin aur par kahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gul kiyaa jis ne vo thaa aur magar
shama ne shikva havaaon se kiyaa

gulaabon ke honTon pe lab rakh rahaa huun
use der tak sochnaa chaahtaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

iid kaa din hai gale mil liije
ikhtilaafaat haTaa kar rakhiye