dil ki divaar gir gai shaayad — Baqi Siddiqui

is badalte hue zamaane mein
tere qisse bhi kuchh puraane lage

kuchh na paa kar bhi mutmain hain ham
ishq mein haath kyaa khazaane lage

yahi rasta hai ab yahi manzil
ab yahin dil kisi bahaane lage

rang-e-dil rang-e-nazar yaad aayaa
tere jalvon kaa asar yaad aayaa

ek hansti hui badli dekhi
ek jaltaa huaa ghar yaad aayaa

dosti khun-e-jigar chaahti hai
kaam mushkil hai to rasta dekho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

sukun-e-qalb to kiyaa hai qaraar-e-jaan bhi luTaa
tumhaari yaad bhi aai to raahzan ki tarah

koi mile na mile be-qaraar rahtaa hai
ki dil kaa haal bhi ik mauj-e-aab jaisaa hai

kaTaa na koh-e-alam ham se kohkan ki tarah
badal sakaa na zamaana tire chalan ki tarah

dil ne go laakh ye chaahaa ki bhulaa duun tujh ko
yaad ne teri magar aaj bhi maaraa shab-khun