ek hansti hui badli dekhi — Baqi Siddiqui

is badalte hue zamaane mein
tere qisse bhi kuchh puraane lage

kuchh na paa kar bhi mutmain hain ham
ishq mein haath kyaa khazaane lage

yahi rasta hai ab yahi manzil
ab yahin dil kisi bahaane lage

rang-e-dil rang-e-nazar yaad aayaa
tere jalvon kaa asar yaad aayaa

vaqt kaa patthar bhaari hotaa jaataa hai
ham miTTi ki surat dete jaate hain

dosti khun-e-jigar chaahti hai
kaam mushkil hai to rasta dekho

mere khvaabon ke jharokon ko sajaate rahiye
na sahi vasl magar yaad to aate rahiye

vatan ke log sataate the jab vatan mein the
vatan ki yaad sataati hai jab vatan mein nahin

phir saavan rut ki pavan chali tum yaad aae
phir patton ki paazeb baji tum yaad aae

ho gae din jinhein bhulaae hue
aaj kal hain vo yaad aae hue

tum se mile to khud se ziyaada
tum ko akelaa paayaa ham ne

vahin pe TuTne lagtaa hai aitabaar-e-vafaa
jahaan yaqin zyaada dilaae jaate hain