dosti khun-e-jigar chaahti hai — Baqi Siddiqui

kuchh na paa kar bhi mutmain hain ham
ishq mein haath kyaa khazaane lage

yahi rasta hai ab yahi manzil
ab yahin dil kisi bahaane lage

rang-e-dil rang-e-nazar yaad aayaa
tere jalvon kaa asar yaad aayaa

ek hansti hui badli dekhi
ek jaltaa huaa ghar yaad aayaa

vaqt kaa patthar bhaari hotaa jaataa hai
ham miTTi ki surat dete jaate hain

is badalte hue zamaane mein
tere qisse bhi kuchh puraane lage

jab ki pahlu se yaar uThtaa hai
dard be-ikhtiyaar uThtaa hai

rail par yaar aaegaa shaayad
muzhda-e-vasl aaj taar mein hai

mujhe rahnaa thaa tiri aankh mein aansu ki tarah
main to naakaam huun ai dost sitaara ban kar

naslein vahshi ho jaati hain yaar hifaazat karne mein
khush hone ki baat nahin hai sahraa ki sultaani par

khud apne gham hi se ki pahle dosti ham ne
aur us ke baa'd gham-e-dostaan ko pahchaanaa

kuchh vaqt apne saath guzaarungaa main 'zamir'
khud se agar milaa jo kabhi ku-e-yaar mein