is badalte hue zamaane mein — Baqi Siddiqui

kuchh na paa kar bhi mutmain hain ham
ishq mein haath kyaa khazaane lage

yahi rasta hai ab yahi manzil
ab yahin dil kisi bahaane lage

rang-e-dil rang-e-nazar yaad aayaa
tere jalvon kaa asar yaad aayaa

ek hansti hui badli dekhi
ek jaltaa huaa ghar yaad aayaa

vaqt kaa patthar bhaari hotaa jaataa hai
ham miTTi ki surat dete jaate hain

dosti khun-e-jigar chaahti hai
kaam mushkil hai to rasta dekho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki ik ek kharaabi kaa sabab jaante hain
phir bhi mumkin hai ki ham tum se muravvat kar jaaein

reg-e-dil mein kai naadida parinde bhi hain dafn
sochte honge ki dariyaa ki ziyaarat kar jaaein

koi bhi dil mein zaraa jam ke khaak uDaataa to
hazaar gauhar-e-naayaab dekh saktaa thaa

lahu kaa haal hai 'jaaved' aisaa jaise nashsha ho
dhDaknaa dil mein bhi baad-e-sabaa ke saath bhi rahnaa