kuchh na paa kar bhi mutmain hain ham — Baqi Siddiqui

is badalte hue zamaane mein
tere qisse bhi kuchh puraane lage

yahi rasta hai ab yahi manzil
ab yahin dil kisi bahaane lage

rang-e-dil rang-e-nazar yaad aayaa
tere jalvon kaa asar yaad aayaa

ek hansti hui badli dekhi
ek jaltaa huaa ghar yaad aayaa

vaqt kaa patthar bhaari hotaa jaataa hai
ham miTTi ki surat dete jaate hain

dosti khun-e-jigar chaahti hai
kaam mushkil hai to rasta dekho

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

har ek shakhs tumhaari tarah nahin hotaa
koi kisi se mohabbat kahaan kare kaise

har taraf gahri siyaahi hai muhit-e-'ishq mein
ek sham'-e-dil ke bujhne se dhuaan kitnaa huaa

phir ahl-e-ishq ki takhliq hoti hai pahle
junun ki aag mein barson khamir rahtaa hai

dayaar-e-ishq mein tanhaa rahaa nahin hargiz
khushi ne haath jo chhoDaa to gham ne thaam liyaa