ik divaar pe chaand Tikaa thaa — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

vo chaand hai to aks bhi paani mein aaegaa
kirdaar khud ubhar ke kahaani mein aaegaa

meri to por por mein khushbu si bas gai
us par tiraa khayaal hai aur chaand-raat hai

muddaton us ki khvaahish se chalte rahe haath aataa nahin
chaah mein us ki pairon mein hain aable chaand ko kyaa khabar

aasmaanon par bhi hain charche husn-e-aalamgir ke
chaand ne bhi rang uDaae chaand si tasvir ke

bas ik tum hi nahin manzar mein varna kyaa nahin hai
suraahi chaand taare titliyaan jugnu parinde

phaili hui hai chaandni ehsaas mein mire
ye kaun meri zaat ke andar utar gayaa