ek dard ki lazzat barqaraar rakhne ko — Ikram Mujeeb

is hasin manzar se dukh kai ubharne hain
dhuup jab utarni hai barf ke makaanon par

kam zaraa na hone di ek lafz ki hurmat
ek ahd ki saari umr paasdaari ki

hijr ki masaafat mein saath tu rahaa har dam
duur ho gae tujh se jab tire qarin pahunche

kis qadar gunaahon ke murtakib hue hain ham
jo sukun luTtaa hai baar baar is ghar kaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ye tanhaa raat ye gahri fazaaein
use DhunDein ki us ko bhuul jaaein

falak detaa hai jin ko 'aish un ko gham bhi hote hain
jahaan bajte hain naqqaare vahaan maatam bhi hote hai

ajiib shor machaane lage hain sannaaTe
ye kis tarah ki khamoshi har ik sadaa mein hai