miraa dil bhi tilismi hai khazaana — Bashiruddin Ahmad Dehlvi

charaagh us ne bujhaa bhi diyaa jalaa bhi diyaa
ye meri qabr pe manzar nayaa dikhaa bhi diyaa

bandhan saa ik bandhaa thaa rag-o-pai se jism mein
marne ke baa'd haath se moti bikhar gae

zor se saans jo letaa huun to akasr shab-e-gham
dil ki aavaaz ajab dard bhari aati hai

kabhi dar par kabhi hai raste mein
nahin thakti hai intizaar se aankh

vo apne matlab ki kah rahe hain zabaan par go hai baat meri
hai chit bhi un ki hai paT bhi un ki hai jiit un ki hai maat meri

ye un kaa khel to dekho ki ek kaaghaz par
likhaa bhi naam miraa aur phir miTaa bhi diyaa

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

dil lagaa lete hain ahl-e-dil vatan koi bhi ho
phuul ko khilne se matlab hai chaman koi bhi ho

aah vo dil ki jise dard ki lazzat na mili
haae vo dard ki jis kaa huaa armaan mujh ko

hazaaron dil masal kar pair se jhunjhlaa ke yuun bole
lo pahchaano tumhaaraa in dilon mein kaun saa dil hai