milaa ke khaak mein sarmaaya-e-dil-e-'bekhud' — Bekhud Dehlvi

paDhe jaao 'bekhud' ghazal par ghazal
vo but ban gae hain sune jaaeinge

huron se na hogi ye mudaaraat kisi ki
yaad aaegi jannat mein mulaaqaat kisi ki

raqibon ke liye achchhaa Thikaanaa ho gayaa paidaa
khudaa aabaad rakhe main to kahtaa huun jahannam ko

mohabbat aur majnun ham to saudaa is ko kahte hain
fidaa lailaa pe thaa aankhon kaa andhaa is ko kahte hain

bole vo muskuraa ke bahut iltijaa ke baad
ji to ye chaahtaa hai tiri maan jaaiye

maut aa rahi hai vaade pe yaa aa rahe ho tum
kam ho rahaa hai dard dil-e-be-qaraar kaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

karne ko kuchh nahin hai nae saal mein 'yashab'
kyon naa kisi se tark-e-mohabbat hi kijiye

agar itni muqaddam thi zarurat raushni ki
to phir saae se apne pyaar karnaa chaahiye thaa

ham donon kaa 'ishq mukammal honaa mushkil lagtaa hai
tu jins-e-jinnaat ki paidaa aur main beTaa aadam kaa

vafur-e-ishq ke jazbe se ho gai sarshaar
nikal paDi hai muridan jadid piir ke saath