aa.ina dekh ke kahte haiñ sañvarne vaale — Shayari Of Dagh Dehlvi

jis meñ lākhoñ baras kī hūreñ hoñ
aisī jannat ko kyā kare koī

lipaT jaate haiñ vo bijlī ke Dar se
ilāhī ye ghaTā do din to barse

ḳhuub parda hai ki chilman se lage baiThe haiñ
saaf chhupte bhī nahīñ sāmne aate bhī nahīñ

is nahīñ kā koī ilaaj nahīñ
roz kahte haiñ aap aaj nahīñ

nahīñ khel ai 'dāġh' yāroñ se kah do
ki aatī hai urdu zabāñ aate aate

shab-e-visāl hai gul kar do in charāġhoñ ko
ḳhushī kī bazm meñ kyā kaam jalne vāloñ kā

kaan meñ hai tere motī āb-dār
yā kisī āshiq kā aañsū bolnā

muflisoñ kī zindagī kā zikr kyā
muflisī kī maut bhī achchhī nahīñ

DhūñD ujḌe hue logoñ meñ vafā ke motī
ye ḳhazāne tujhe mumkin hai ḳharāboñ meñ mileñ

havas ko hai nashāt-e-kār kyā kyā
na ho marnā to jiine kā mazā kyā

paas jab tak vo rahe dard thamā rahtā hai
phailtā jaatā hai phir aañkh ke kājal kī tarah

thā zindagī meñ marg kā khaTkā lagā huā
uḌne se pesh-tar bhī mirā rang zard thā