baDe dil-kash hain duniyaa ke kham o pech — Zaheer Kashmiri

aah ye mahki hui shaamein ye logon ke hujum
dil ko kuchh biiti hui tanhaaiyaan yaad aa gaiin

hamein khabar hai ki ham hain charaagh-e-aakhir-e-shab
hamaare baa'd andheraa nahin ujaalaa hai

sirat na ho to aariz-o-rukhsaar sab ghalat
khushbu uDi to phuul faqat rang rah gayaa

koi dastak koi aahaT na shanaasaa aavaaz
khaak uDti hai dar-e-dil pe bayaabaan ki tarah

farz barson ki ibaadat kaa adaa ho jaise
but ko yuun puuj rahe hain ki khudaa ho jaise

kul kaaenaat fikr se aazaad ho gai
insaan misaal-e-dast-e-tah-e-sang rah gayaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

baadal aae hain ghir gulaal ke laal
kuchh kisi kaa nahin kisi ko khayaal

taa hashr rahe ye daagh dil kaa
yaa-rab na bujhe charaagh dil kaa

puchhe rindon se koi in muftiyon kaa jhuuT sach
do dalilon se ye kar lete hain daavaa jhuuT sach

kaun dil ki zabaan samajhtaa hai
dil magar ye kahaan samajhtaa hai