mujh ko saphaltaa baiThe biThaae nahin mili — Dinesh Kumar

dekho to kaam ek bhi ham ne kahaan kiyaa
puchho to ek pal ki bhi fursat nahin rahi

dekho darakht kaaTne se pahle ek baar
in sabz Tahniyon pe koi ghonsla na ho

maraasim barf mein dabne na paaein
qarib aao december aa rahaa hai

kar ke taarif vo miri jhuTi
zahr dhimaa chaTaa gayaa hai mujhe

haaT pe kyaa biktaa thaa ham ko kyaa matlab
apni jeb mein bas khvaabon ke sikke the

shaairi naam tasavvur mein chhalakti mai kaa
mar hi jaate jo na piine ki ijaazat hoti

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

ham kaaenaat-e-sidq ko saanche mein Dhaal kar
doshiza-e-zabaan ki viraasat mein laae hain

'naadir' tum apni pyaas kahaan le ke aa gae
qatre udhaar maang ke dariyaa bane hain log

pahaaD jaisi azmaton kaa daakhila thaa shahr mein
ki log aagahi kaa ishtihaar le ke chal diye

tum us ke paas ho jis ko tumhaari chaah na thi
kahaan pe pyaas thi dariyaa kahaan banaayaa gayaa

bahaknaa meri fitrat mein nahin par
sambhalne mein pareshaani bahut hai