haaT pe kyaa biktaa thaa ham ko kyaa matlab — Dinesh Kumar

dekho to kaam ek bhi ham ne kahaan kiyaa
puchho to ek pal ki bhi fursat nahin rahi

dekho darakht kaaTne se pahle ek baar
in sabz Tahniyon pe koi ghonsla na ho

mujh ko saphaltaa baiThe biThaae nahin mili
main ne guhar talaashe hain dariyaa khangaal kar

maraasim barf mein dabne na paaein
qarib aao december aa rahaa hai

kar ke taarif vo miri jhuTi
zahr dhimaa chaTaa gayaa hai mujhe

shaairi naam tasavvur mein chhalakti mai kaa
mar hi jaate jo na piine ki ijaazat hoti

mere khvaabon ke jharokon ko sajaate rahiye
na sahi vasl magar yaad to aate rahiye

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

ham aae roz nayaa khvaab dekhte hain magar
ye log vo nahin jo khvaab se bahal jaaein

zindagi chhin le bakhshi hui daulat apni
tu ne khvaabon ke sivaa mujh ko diyaa bhi kyaa hai

baar-haa tu ne khvaab dikhlaae
baar-haa ham ne kar liyaa hai yaqin