khaak-e-dil se hi uThe ab ke ghubaar-e-mahtaab — Shahid Jameel

zalzale kaa thaa safar jis mein ki masti ham ne
khushk chaTTaanon pe dauDaa di hai kashti ham ne

sab 'aashiq thak gae upload kar ke apni site par
visaal-e-yaar ki cd mein sau sau pech-o-kham nikle

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aah to ab bhi dil se uThti hai
lekin us mein asar nahin hotaa

hai dil mein karun zikr-e-khudaa but ko biThaa kar
sajda ho kisi kaa to ibaadat ho kisi ki

haal-e-dil us ko sunaa kar hai bahut khush 'kausar'
lekin ab soch zaraa kyaa tiri auqaat rahi

kuchh naqsh tiri yaad ke baaqi hain abhi tak
dil be-sar-o-saamaan sahi viraan to nahin hai