saath rakhiye kaam aaegaa bahut naam-e-khudaa — Ehteram Islam

ahl-e-duniyaa se mujhe to koi andesha na thaa
naam teraa kis liye mire labon par jam gayaa

laDkhaDaa kar gir paDi unchi imaarat dafatan
dafatan taamir ki kursi pe khanDar jam gayaa

is baar bhi shoalon ne machaa Daali tabaahi
is baar bhi shoalon ko havaa di gai shaayad

yaad thaa 'suqraat' kaa qissa sabhi ko 'ehtiraam'
sochiye aise mein baDh kar sach ko sach kahtaa to kaun

tauqir andheron ki baDhaa di gai shaayad
ik shama jo raushan thi bujhaa di gai shaayad

usi se mujh ko milaa ishtiyaaq manzil kaa
mire safar ko fazaa-e-safar usi se mili

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

dard mein lazzat bahut ashkon mein raanaai bahut
ai gham-e-hasti hamein duniyaa pasand aai bahut

ye zindagi hai apni kabhi khush kabhi udaas
is kashmakash se mujh ko khudaayaa rihaai de