dard mein lazzat bahut ashkon mein raanaai bahut — Syed Zameer Jafri

doctor bhi ho gae enginēr bhi ho gae
gandumi hai rang agar to dusre darje ke hain

dilon kaa farsh bichhaa hai jidhar nigaah karo
tumhaaraa ghar bhi dilon kaa kabaaD-khaana hai

yuun kaanptaa hai shaikh khayaal-e-sharaab se
jaise kabhi ye Duub gayaa thaa sharaab mein

miyaan 'gul-sher' tum bhi to havaa ke rukh ko pahchaano
jahaan saaDi chali jaati hai phulkaari nahin jaati

Dar hai tote hi na khaa jaaein mujhe
naashpaati jaisaa sar rakhtaa huun main

aadmi se suluk duniyaa kaa
jaise anDaa talaa kare koi

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

azizo is ko na ghaDiyaal ki sadaa samjho
ye umr-e-rafta ki apni sadaa-e-paa samjho

is zamaane mein na ho kyunkar hamaaraa dil udaas
dekh kar ahvaal-e-aalam uDte jaate hain havaas

lamhe udaas udaas fazaaein ghuTi ghuTi
duniyaa agar yahi hai to duniyaa se bach ke chal