shuur-e-nau-umr huun na mujh ko mataa-e-ranj-o-malaal denaa — Ehtisham Ul Haq Siddiqui

tu mard-e-momin hai apni manzil ko aasmaanon pe dekh naadaan
ki raah-e-zulmat mein saath degaa koi charaagh-e-alil kab tak

main ik mazdur huun roTi ki khaatir bojh uThaataa huun
miri qismat hai baar-e-hukmaraani pusht par rakhnaa

ye duniyaa hai yahaan asli kahaani pusht par rakhnaa
labon par pyaas rakhnaa aur paani pusht par rakhnaa

tire badan ki nazaakaton kaa huaa hai jab ham-rikaab mausam
nazar nazar mein khilaa gayaa hai sharaaraton ke gulaab mausam

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jab bhi ye dil udaas hotaa hai
jaane kaun aas-paas hotaa hai

aansu miri aankhon se nikal jaate hain aksar
vo daur-e-mohabbat kabhi bhulaa to nahin huun

kufr-o-islaam ne maqsad ko pahunchne na diyaa
kaaba-o-dair ko sang-e-rah-e-manzil samjhaa