kis se ab aarzu-e-vasl karein — Fahmida Riaz

chalte chalte kuchh tham jaanaa phir bojhal qadmon se chalnaa
ye kaisi kasak si baaqi hai jab paanv mein vo kaanTaa bhi nahin

miri bebasi mujh pe zaahir hai lekin
tumhaari tamannaa tumhaari tamannaa

jo mujh mein chhupaa meraa galaa ghonT rahaa hai
yaa vo koi iblis hai yaa meraa khudaa hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

jism ki raanaaiyon tak khvaahishon ki bhiiD hai
ye tamaashaa khatm ho jaae to ghar jaaeinge log

khvaahishon ne Dubo diyaa dil ko
varna ye bahr-e-be-karaan hotaa

miri rafiq-e-nafas maut teri umr daraaz
ki zindagi ki tamannaa hai dil mein afzun phir

sau koshishon se aae the chandiyaa pe chaar baal
do aarzu mein kaT gae do intizaar mein