miri bebasi mujh pe zaahir hai lekin — Fahmida Riaz

chalte chalte kuchh tham jaanaa phir bojhal qadmon se chalnaa
ye kaisi kasak si baaqi hai jab paanv mein vo kaanTaa bhi nahin

jo mujh mein chhupaa meraa galaa ghonT rahaa hai
yaa vo koi iblis hai yaa meraa khudaa hai

kis se ab aarzu-e-vasl karein
is kharaabe mein koi mard kahaan

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

bin maange mil rahaa ho to khvaahish fuzul hai
suraj se raushni ki guzaarish fuzul hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa