chand khushiyon ko baham karne mein — Faisal Ajmi

dukh nahin hai ki jal rahaa huun main
raushni mein badal rahaa huun main

main zakhm khaa ke giraa thaa ki thaam us ne liyaa
muaaf kar ke mujhe intiqaam us ne liyaa

ab vo titli hai na vo umr taaaqub vaali
main na kahtaa thaa bahut duur na jaanaa mire dost

kabhi dekhaa hi nahin us ne pareshaan mujh ko
main ki rahtaa huun sadaa apni nigahbaani mein

us ko jaane de agar jaataa hai
zahr kam ho to utar jaataa hai

roz aaseb aate jaate hain
aisaa kyaa hai gharib-khaane mein

gham hai na ab khushi hai na ummid hai na yaas
sab se najaat paae zamaane guzar gae

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

nahin nahin main bahut khush rahaa huun tere baghair
yaqin kar ki ye haalat abhi abhi hui hai

koi jis baat se khush hai to khafaa dusraa hai
kuchh bhi kahne mein kisi se yahi dushvaari hai