meri khaamoshiyon mein larzaan hai — Faiz Ahmad Faiz

na jaane kis liye ummid-vaar baiThaa huun
ik aisi raah pe jo teri rahguzar bhi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

har sadaa par lage hain kaan yahaan
dil sambhaale raho zabaan ki tarah

ai zulm ke maato lab kholo chup rahne vaalo chup kab tak
kuchh hashr to un se uTThegaa kuchh duur to naale jaaeinge

chaman pe ghaarat-e-gul-chin se jaane kyaa guzri
qafas se aaj sabaa be-qaraar guzri hai

karo kaj jabin pe sar-e-kafan mire qaatilon ko gumaan na ho
ki ghurur-e-ishq kaa baankpan pas-e-marg ham ne bhulaa diyaa

main baDaa ho gayaa huun magar bachpanaa
mere dil se kabhi bhi gayaa hi nahin

un se kah do mujhe khaamosh hi rahne de 'vasim'
lab pe aaegi to har baat giraan guzregi

tum raah mein chup-chaap khaDe ho to gae ho
kis kis ko bataaoge ki ghar kyuun nahin jaate

milti hai khushi sab ko jaise hi kahin se bhi
bhuli hui bachpan ki tasvir nikalti hai

vo shaant baiThaa hai kab se main shor kyon na karun
bas ek baar vo kah de ki chup to chuun na karun

aise chhute hain tasavvur mein tujhe ham chup-chaap
jaise phulon ko chhuaa karti hai shabnam chup-chaap