vo aa rahe hain vo aate hain aa rahe honge — Faiz Ahmad Faiz

na jaane kis liye ummid-vaar baiThaa huun
ik aisi raah pe jo teri rahguzar bhi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

har sadaa par lage hain kaan yahaan
dil sambhaale raho zabaan ki tarah

ai zulm ke maato lab kholo chup rahne vaalo chup kab tak
kuchh hashr to un se uTThegaa kuchh duur to naale jaaeinge

chaman pe ghaarat-e-gul-chin se jaane kyaa guzri
qafas se aaj sabaa be-qaraar guzri hai

karo kaj jabin pe sar-e-kafan mire qaatilon ko gumaan na ho
ki ghurur-e-ishq kaa baankpan pas-e-marg ham ne bhulaa diyaa

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shab-e-visaal hai gul kar do in charaaghon ko
khushi ki bazm mein kyaa kaam jalne vaalon kaa

ghar mire shab ko jo vo rashk-e-qamar aa niklaa
ho gae partav-e-rukh se dar o divaar safed

sune jaate na the tum se mire din raat ke shikve
kafan sarkaao meri be-zabaani dekhte jaao