ye jo lahore se mohabbat hai — Fakhr Abbas

mujhe Thukraa diyaa tu ne faqat shaair samajh kar aaj
miri nazmein tire bachche syllabus mein paDhein to phir

jab se us ki aankh mein aansu dekhe hain
tab se mujh ko paani se Dar lagtaa hai

ai mohabbat mujh ko aisaa hausla khairaat kar
us ko baazu se pakaD kar kah sakun ki baat kar

main shahr mein tanhaa hi use DhunD rahaa huun
jo sab se chhupaai thi vahi chiiz gumi hai

vo chaahtaa hai mahina kaTe na jaldi se
kiraae-daar ke dukh bhi ajiib hote hain

kabhi kabhi to mujhe daad itni milti hai
ki saare ghar kaa guzaara usi se hotaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

jaisi ab hai aisi haalat mein nahin rah saktaa
main hamesha to mohabbat mein nahin rah saktaa

ishq kaa duur kare dil se jo dhaDkaa taaviz
is dhaDaake kaa koi ham ne na dekhaa taaviz

tujh se miraa muaamla hotaa ba-raah-e-raast
ye ishq darmiyaan na hotaa to Thiik thaa

aaj bhi 'prem' ke aur 'krishn' ke afsaane hain
aaj bhi vaqt ki jamhuri zabaan hai urdu