jab se us ki aankh mein aansu dekhe hain — Fakhr Abbas

mujhe Thukraa diyaa tu ne faqat shaair samajh kar aaj
miri nazmein tire bachche syllabus mein paDhein to phir

ai mohabbat mujh ko aisaa hausla khairaat kar
us ko baazu se pakaD kar kah sakun ki baat kar

main shahr mein tanhaa hi use DhunD rahaa huun
jo sab se chhupaai thi vahi chiiz gumi hai

vo chaahtaa hai mahina kaTe na jaldi se
kiraae-daar ke dukh bhi ajiib hote hain

kabhi kabhi to mujhe daad itni milti hai
ki saare ghar kaa guzaara usi se hotaa hai

rasmon ko nahin pairon ki zanjir kiyaa
main ne jo mahsus kiyaa tahrir kiyaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

maqsad-e-zist gham-e-ishq hai sahraa ho ki shahr
baiTh jaaeinge jahaan chaaho biThaa do ham ko

tum is taraf se guzar chuki ho magar gali gungunaa rahi hai
tumhaari paazeb kaa vo naghma fazaa mein ab tak khanak rahaa hai

shuur-e-nau-umr huun na mujh ko mataa-e-ranj-o-malaal denaa
ki mujh ko aataa nahin ghamon ko khushi ke saanchon main Dhaal denaa