ho umr daraaz zakhm-e-dil ki — Fakhruddin Khan Mahir

nahin hai khuub sohbat har kisi kam-zarf se lekin
nahin gar maante az-raah-e-naadaani to behtar hai

dil to be-tarah meraa lag hi chalaa thaa us se
par main juun tuun ke bachaayaa ise khuddaari se

dil ke badle vo shokh chalte vaqt
de gayaa ham ko intizaar apnaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

intizaar aur dastakon ke darmiyaan kaTti hai umr
itni aasaani se to baab-e-hunar khultaa nahin

zindagi sundar ghazal hai dosto
zindagi ko gungunaanaa chaahiye