dil ke badle vo shokh chalte vaqt — Fakhruddin Khan Mahir

ho umr daraaz zakhm-e-dil ki
jis se dar-e-dil ko baaz paayaa

nahin hai khuub sohbat har kisi kam-zarf se lekin
nahin gar maante az-raah-e-naadaani to behtar hai

dil to be-tarah meraa lag hi chalaa thaa us se
par main juun tuun ke bachaayaa ise khuddaari se

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

lahu ke paar koi muntazir hai aakhir-e-shab
kamaal-e-zabt se aage safar kiyaa jaae

hai kis kaa intizaar ki khvaab-e-adam se bhi
har baar chaunk paDte hain aavaaz-e-paa ke saath

kise yaqin ki tum dekhne ko aaoge
akhir vaqt magar intizaar aur sahi

bas ek shaam kaa har shaam intizaar rahaa
magar vo shaam kisi shaam bhi nahin aai