kabhi sahar to kabhi shaam le gayaa mujh se — Farhat Abbas Shah

us ke baare mein bahut sochtaa huun
mujh se bichhDaa to kidhar jaaegaa

baarish hui to ghar ke dariche se lag ke ham
chup-chaap sogvaar tumhein sochte rahe

saans letaa huun to rotaa hai koi siine mein
dil dhaDaktaa hai to maatam ki sadaa aati hai

anaa ki jang mein ham jiit to gae lekin
phir us ke baad bahut der tak niDhaal rahe

use ziyaada zarurat thi ghar basaane ki
vo aa ke mere dar-o-baam le gayaa mujh se

main be-khayaal kabhi dhuup mein nikal aauun
to kuchh sahaab mire saath saath chalte hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

udaas aankhon se aansu nahin nikalte hain
ye motiyon ki tarah sipiyon mein palte hain

duaa karo ki ye paudaa sadaa haraa hi lage
udaasiyon mein bhi chehra khilaa khilaa hi lage

main jis ki aankh kaa aansu thaa us ne qadr na ki
bikhar gayaa huun to ab ret se uThaae mujhe