alam-bardaar tanhaai thaa apnaa 'farhat-ehsaas' — Farhat Ehsas

vo chaand kah ke gayaa thaa ki aaj niklegaa
to intizaar mein baiThaa huaa huun shaam se main

ek bose ke bhi nasib na hon
honTh itne bhi ab gharib na hon

phir soch ke ye sabr kiyaa ahl-e-havas ne
bas ek mahina hi to ramzaan rahegaa

mire ashaar hain vo aasmaani khvaab jin ko
miri miTTi ke honThon par utaaraa jaa rahaa hai

ik aayat-e-vajud huun miTTi ke Dher mein
mere nuzul ki to koi shaan hi nahin

mohabbat phuul banne par lagi thi
palaT kar phir kali kar li hai main ne

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

specialist pain-killer de to kaun saa?
''saare jahaan kaa dard hamaare jigar mein hai''

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi