mire ashaar hain vo aasmaani khvaab jin ko — Farhat Ehsas

vo chaand kah ke gayaa thaa ki aaj niklegaa
to intizaar mein baiThaa huaa huun shaam se main

ek bose ke bhi nasib na hon
honTh itne bhi ab gharib na hon

phir soch ke ye sabr kiyaa ahl-e-havas ne
bas ek mahina hi to ramzaan rahegaa

ik aayat-e-vajud huun miTTi ke Dher mein
mere nuzul ki to koi shaan hi nahin

alam-bardaar tanhaai thaa apnaa 'farhat-ehsaas'
hujum-e-shahr ke haathon jo maaraa jaa rahaa hai

mohabbat phuul banne par lagi thi
palaT kar phir kali kar li hai main ne

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe