fitrat mein aadmi ki hai mubham saa ek khauf — Gopal Mittal

mujhe zindagi ki duaa dene vaale
hansi aa rahi hai tiri saadgi par

kyaa kijiye kashish hai kuchh aisi gunaah mein
main varna yuun fareb mein aataa bahaar ke

meraa saaqi hai baDaa dariyaa-dil
phir bhi pyaasaa huun ki sahraa huun main

tark-e-taalluqaat khud apnaa qusur thaa
ab kyaa gila ki un ko hamaari khabar nahin

khudaa gavaah ki donon hain dushman-e-parvaaz
gham-e-qafas ho ki raahat ho aashiyaane ki

ab shikva-e-sang-o-khisht kaisaa
jab teri gali mein aa gayaa huun

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

main ne 'faani' Dubti dekhi hai nabz-e-kaaenaat
jab mizaaj-e-yaar kuchh barham nazar aayaa mujhe

yaa tire muhtaaj hain ai khun-e-dil
yaa inhin aankhon se dariyaa bhar gae

aankh kam-bakht se us bazm mein aansu na rukaa
ek qatre ne Duboyaa mujhe dariyaa ho kar

chhuT-puTaa vaqt hai bahtaa huaa dariyaa Thahraa
subh se shaam hui dil na hamaaraa Thahraa

vaae-aashiq-e-naadaan kaaenaat ye teri
ik shikasta shishe ko dil banaae baiThaa hai