mujhe zindagi ki duaa dene vaale — Gopal Mittal

fitrat mein aadmi ki hai mubham saa ek khauf
us khauf kaa kisi ne khudaa naam rakh diyaa

kyaa kijiye kashish hai kuchh aisi gunaah mein
main varna yuun fareb mein aataa bahaar ke

meraa saaqi hai baDaa dariyaa-dil
phir bhi pyaasaa huun ki sahraa huun main

tark-e-taalluqaat khud apnaa qusur thaa
ab kyaa gila ki un ko hamaari khabar nahin

khudaa gavaah ki donon hain dushman-e-parvaaz
gham-e-qafas ho ki raahat ho aashiyaane ki

ab shikva-e-sang-o-khisht kaisaa
jab teri gali mein aa gayaa huun

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

khizar bhi aap par aashiq hue hain
qazaa aai hayaat-e-jaavidaan ki

kitnaa sochaa thaa dil lagaaeinge
sochte sochte hayaat hui

hangaama-e-hayaat se lenaa to kuchh nahin
haan dekhte chalo ki tamaashaa hai raah kaa