meraa saaqi hai baDaa dariyaa-dil — Gopal Mittal

fitrat mein aadmi ki hai mubham saa ek khauf
us khauf kaa kisi ne khudaa naam rakh diyaa

mujhe zindagi ki duaa dene vaale
hansi aa rahi hai tiri saadgi par

kyaa kijiye kashish hai kuchh aisi gunaah mein
main varna yuun fareb mein aataa bahaar ke

tark-e-taalluqaat khud apnaa qusur thaa
ab kyaa gila ki un ko hamaari khabar nahin

khudaa gavaah ki donon hain dushman-e-parvaaz
gham-e-qafas ho ki raahat ho aashiyaane ki

ab shikva-e-sang-o-khisht kaisaa
jab teri gali mein aa gayaa huun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

paamaaliyon kaa ziina hai arsh se bhi unchaa
dil us ki raah mein hai kyaa sarfaraaz meraa

rasman gale to milte hain ham 'iid par zarur
lekin dilon ke faasle hote nahin hain duur

koi rashk-e-husn-e-tamaam thaa vahi qadd-o-qaamat-e-sarv saa
vahi barq jis kaa bayaan ho kyaa jo giri to dil mein utar gai

mustaqil ab bujhaa bujhaa saa hai
aakhir is dil ko ye huaa kyaa hai