mujh ko thi mahfilon ki bahut aarzu magar — Ahtamam Sadiq

vo shakhs yaadon kaa mujh ko ghulaam karte hue
gayaa bhi to miri nindein haraam karte hue

hadd-e-nazar tak ek dariche se aaj phir
main jaa rahaa thaa aur koi dekhtaa rahaa

ab apnaa intizaar rahegaa tamaam-umr
ik shakhs thaa jo mujh se judaa kar gayaa mujhe

musalsal sochte rahte hain tum ko
tumhein jiine ki aadat ho gai hai

so apne shahr ke raunaq ki khair maangnaa tum
main apne gaanv se ik shaam le ke aa rahaa huun

ab ibaadat mein bhi aa jaate ho lab par mere
itnaa paDhtaa huun tumhein hijr ke lamhon mein ki bas

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

nutq se lab tak hai sadiyon kaa safar
khaamushi ye dukh bhalaa jhelegi kyaa

mire vajud ko parchhaaiyon ne toD diyaa
main ik hisaar thaa tanhaaiyon ne toD diyaa

mizaaj-e-dard ko sab lafz bhi qubul na the
kisi kisi ko tire gham kaa istiaara kiyaa